Este Venres 26 de Marzo, ás 20:30h, De Ste Xeito presentará a súa nova comedia violeta FEMINÍSSIMAS no Auditorio Casa da Cultura do Concello de Ribadavia. Este evento conta coa colaboración da Deputación de Ourense, da Rede de Auditorios de Ourense e do propio Concello de Ourense. 

O prezo da entrada será de balde e o aforo limitado seguindo a normativa sanitaria no momento da realización do espectáculo. Máis información no email casacultura@ribadavia.es ou chamando ao teléfono: 988 47 19 00 

Recoméndase acudir con antelación suficiente para evitar aglomeracións.

# SINOPSE:

Un Congreso Feminista na cidade de Vigo. Tres amigas da adolescencia que fai anos que non se ven. Tres amigas que teñen 3 maneiras ben distintas de entender o “feminismo”… Por exemplo: feminismo radical, feminismo liberal e teoría queer.
Esta é a base de Feminíssimas, unha peza con altas doses de humor, ironía e complicidade para poñer a amizade a proba mentres analizamos -dende a comedia- de que maneira as mulleres estamos a con-vivir neste novo mundo feminista no que nos atopamos mergulladas.
Unha maneira –tamén- de rirnos de nós mesmas, das nosas propias incongurencias e sobre todo do espazo que separa a teoría pura da práctica diaria.
Un espazo –ademáis- para reflexionar sobre a amizade e a súa complexa relación coa ideoloxía.
En resumo: unha comedia negra… moi violeta.