No mundo grego e romano, máis aló dos deuses do panteón, tamén se cría na existencia de seres e forzas ocultas, positivas e negativas, que podían cambiar a sorte das persoas. Pero tamén había persoas que podían controlar a estes espíritos: as magas e magos.

Imaxínaste ter os poderes de Hermione e Harry Potter, pero na antiga Roma? Eles usaban varitas e feitizos en Hogwarts, pero neste obradoiro aprenderás a facer amuletos máxicos que te protexerán e daranche sorte, igual que nos tempos dos antigos romanos!

Convidámosche a unha viaxe no tempo onde descubrirás os segredos da maxia romana. Aprenderás a crear a túa propia lúnula, un amuleto en forma de lúa crecente que as nenas romanas usaban para protexerse dos malos espíritos. Ou quizais prefiras facer unha bula, o amuleto que os nenos romanos levaban para ter boa sorte e protección.

E se che gusta escribir feitizos como os magos de Hogwarts, encantarache facer o teu propio abracadabra en papiro! Este antigo feitizo era tan poderoso que se cría capaz de curar enfermidades e afastar a mala sorte.

Esperámosvos cos ingredientes máxicos listos!

ACTIVIDADE GRATUITA (a reserva é únicamente para controlar o número de asistentes).

*A actividade non contempla a asistencia de menores non acompañados.

Imparte: Mos Religiosus.

Colabora: Torre de Hércules.